Opning av Sogn frisklivssentral

Den fyste interkommunale frisklivssentralen i Sogn og Fjordane

22. mars var det formell opning av Sogn frisklivssentral.
Opninga var på helsesenteret i Gaupne i Luster kommune.

Det var velkomst ved rådmann i Sogndal og formell opning ved ordførar i Sogndal og Luster.
Frisklivssentralen er eit samarbeid mellom kommunane Leikanger, Luster og Sogndal og er eit resultat av det interkommunale prosjektet Folkehelse og førebyggjande helsearbeid i Sogn. Sogndal kommune er vertskommune og det er kontor i Sogndal og Gaupne (2 dagar).

                              Kristine Mardal t.v. og Elisabeth Rygge i Sogn Frisklivssentral

Ein frisklivssentral har som mål å fremja helse og førebyggje sjukdom og skal gje eit lågterskel tilbod til innbyggjarane innafor helseåtferdsområda fysisk aktivitet, kosthald og tobakk. Ein frisklivssentral er og eit kommunalt kompetansesenter for andre helsefremjande tiltak.

Frisklivssentralen hjelp og støttar personar som ynskjer å endre levevanar og førebyggje livsstilssjukdommar

Frisklivssentralen er forankra i kommunehelsetenesta og har tett samarbeid med andre aktørar i kommunen; frivillige organisasjonar, private og tenester i andre sektorar. Frisklivssentralen kan fungere som ein ressurs og eit kontaktpunkt for andre helsefremjande tiltak i kommunen.

Helsedirektoratet har anbefalt etablering av frisklivssentralar i alle kommunar, alternativt gjennom interkommunalt samarbeid. Etablering av frisklivssentral vil bidra til å styrke kommunen sine førebyggjande helsetenester. Den vil nå målgrupper kommunen har eit ansvar for å gje tilbod til og bidra til eit bindeledd mellom medisinsk behandling og eigenmeistring.

                       Dei tilsette i frisklivssentralen saman med ordførarane i Sogndal og Luster




 

Nye tiltak og prosjekt

Sjå prosjektskisse og omtale av nye tiltak på nettsida.

• S1 - Sognefjordvegen
• Utstyrssentral
• Sommaraktivitet for barn og ungdom
• Oversiktsdokument

Frisklivssentral

Sogn frisklivssentral - felles frisklivssentral for kommunane Leikanger, Luster og Sogndal.
Kommunane er samde om å etablera ein felles frisklivssentral - Sogn frisklivssentral (Sogn FLS).
Me er i gang med planlegging av opning!

Rapporten "Etablere/vidareutvikle frisklivssentral i Sogndal, Leikanger og Luster" er lagt ut på nettsida.

• Rapport frisklivssentral

Rapportar publisert på nettsida

Skjolden. Foto av Harald Vatne

FFHIS ynskjer alle som følgjer prosjektet god sommar. Rapportar frå kartleggingsarbeidet er no lagt ut på nettsida vår og du kan sjå dei her:

• Forprosjekt om helsetilstand
• Rapport om helseutfordringar
• Rapport om etablerte folkehelsetiltak

Utviklingsmidlar frå fylkesmann

FFHIS har fått tildelt 100 000,- kr i fornyingsmidlar hjå Fylkesmann. Programstyret til Fylkesmann hadde som målsetnad å prioritere samarbeidsprosjekt der fleire kommunar deltek enten innafor ein region eller som fylkesdekkjande prosjekt. I tillegg til å prioritere samarbeidsprosjekt, har programstyret lagt vekt på at prosjekta skal vere nyskapande, ha overføringsverdi, vere forankra i kommuneleiinga og hjå tilsette. Prosjekta bør gje klåre kvalitetsforbetringar og- /eller effektiviseringsgevinstar. Det vert lagt vekt på konkrete gjennomføringsprosjekt framfor utgreiingsprosjekt.

Fylkesmann i Sogn og Fjordane har prioritert desse prosjekta;

• Oversikt over prosjekt som har fått økonomisk støtte

Samarbeid med brukarorganisasjonar

I Luster har brukarorganisasjonane etablert eit felles brukarutval. FFHIS vart invitert til eit dialogmøte mellom organisasjonane og kommunen. FFHIS presenterte den interkommunale folkehelsesatsinga der Luster ein ein av lagspelarane. Det vart også etablert samarbeid med brukarutvalet. Det var viktig at organisasjonane fekk konkretisert korleis og når i prosjektet dei ynskjer å involverast, og at dei vil vere ein sentral aktør i utforminga og driftinga av ein frisklivssentral i Luster.

Presentasjon frå FFHIS

• Om folkehelseprosjektet
• Om frisklivssentral

Gode folkehelsetiltak i prosjektkommunane

Kommunane har fått i oppdrag å presentere 10 av sine beste tiltak innan folkehelse- og førebyggjande helsearbeid. Målsetnaden er å få oversikt over gode tiltak og vurdere desse ut i frå målsetnad og effekt tiltaka har. Kartlegginga har resultert i eit dokument som presentera 30 gode folkehelsetiltak frå Leikanger, Sogndal og Luster kommune. FFHIS håpar dokumentet kan gi andre idear og nyttig informasjon om gode folkehelse- og førebyggjande tiltak. Ein stor takk til alle som har bidrege til å denne oversikten.

Dokumentasjon og evaluering av etablerte folkehelsetiltak