Sogn frisklivssentral

Prosjektet Folkehelse og førebyggjande helsearbeid i Sogn har som eit av sine delområde å greie ut omkring etablering av frisklivslivssentral i prosjektkommunane. Ei interkommunal arbeidsgruppa har fått i oppdrag å gjennomføre denne utgreiinga og serleg sjå på om me har nytte av å dele kompetanse og ressursar.

• Mandat
• Veileder for kommunale frisklivssentraler

Arbeidsgruppa og prosjektgruppa (FFHIS) har utarbeida rapporten "Etablere/vidareutvikle frisklivssentral i Sogndal, Leikanger og Luster. Rapporten har vore behandla i styringsgruppa og den vert lagt til grunn i det vidare arbeidet.

• Sjå rapporten her

Sogn frisklivssentral - felles frisklivssentral for kommunane Leikanger, Luster og Sogndal.
Kommunane er samde om å etablera ein felles frisklivssentral - Sogn frisklivssentral (Sogn FLS).
Me er i gang med planlegging av opning:

Opning av Sogn frisklivssentral

Den fyste interkommunale frisklivssentralen i Sogn og Fjordane

22. mars var det formell opning av Sogn frisklivssentral.
Opninga var på helsesenteret i Gaupne i Luster kommune.

Det var velkomst ved rådmann i Sogndal og formell opning ved ordførar i Sogndal og Luster.
Frisklivssentralen er eit samarbeid mellom kommunane Leikanger, Luster og Sogndal og er eit resultat av det interkommunale prosjektet Folkehelse og førebyggjande helsearbeid i Sogn. Sogndal kommune er vertskommune og det er kontor i Sogndal og Gaupne (2 dagar).

 

                                   Kristine Mardal t.v. og Elisabeth Rygge i Sogn Frisklivssentral
 

Ein frisklivssentral har som mål å fremja helse og førebyggje sjukdom og skal gje eit lågterskel tilbod til innbyggjarane innafor helseåtferdsområda fysisk aktivitet, kosthald og tobakk. Ein frisklivssentral er og eit kommunalt kompetansesenter for andre helsefremjande tiltak.

Frisklivssentralen hjelp og støttar personar som ynskjer å endre levevanar og førebyggje livsstilssjukdommar

Frisklivssentralen er forankra i kommunehelsetenesta og har tett samarbeid med andre aktørar i kommunen; frivillige organisasjonar, private og tenester i andre sektorar. Frisklivssentralen kan fungere som ein ressurs og eit kontaktpunkt for andre helsefremjande tiltak i kommunen.

Helsedirektoratet har anbefalt etablering av frisklivssentralar i alle kommunar, alternativt gjennom interkommunalt samarbeid. Etablering av frisklivssentral vil bidra til å styrke kommunen sine førebyggjande helsetenester. Den vil nå målgrupper kommunen har eit ansvar for å gje tilbod til og bidra til eit bindeledd mellom medisinsk behandling og eigenmeistring.

                      Dei tilsette i frisklivssentralen saman med ordførarane i Sogndal og Luster